Magic Kingdom

Magic Kingdom ye un parque temáticu allugáu en Walt Disney World Resort en Lake Buena Vista, Florida, cerca d'Orlando. Ye coordináu y empobináu por The Walt Disney Company al traviés de Walt Disney Parks and Resorts. Abiertu'l 1 d'ochobre de 1971, ye'l parque temáticu más famosu de Florida, y el más visitáu del mundu. Foi diseñáu y construyíu por WED Enterprises (agora conocíes como Walt Disney Imagineering), la disposición de les árees y les atraiciones del parque son similares a les de Disneyland en Anaheim, California, abiertu en 1955. El récor de visites foi consiguíu en 2015, cuando 20.492.000 visitantes llegaron al parque. Dende 2011 Magic Kingdom foi remocicáu drásticamente, camudando l'aspeutu de Main Street U.S.A. y Central Plaza, según el Castiellu Cenicienta, cuenta con 4 torres nueves y dende el 18 de xunetu de 2015 hasta'l 10 de payares, l'área frontera del Castillo Cenicienta atopábase cerrada al públicu por cuenta de que los accesos usaos pa entrar al castiellu pol portón central taben en remodelación. Esta sería la última fase de la remodelación del parque Magic Kingdom, que quedó llibre de construcciones y remodelaciones pal turismu de fin d'esi añu.